السلام عليكم ورحمة الله وبركاته
كنت أنا وأخويائي مسافرين جدة العام الماضي
كان عددنا ثلاثة كنت راكب انا وواحد في الكرسي الي قدام
واخويينا الثالث راكب بالمرتبة الخلفية نايم
وهو من عادته إذا نام ماعاد يحس بشيء يعني نومه ثقيييييل
والصراحة هو كان ناشب لنا ماكنا نبغاه
فقررنا أنا وأخويي الثاني نسوي فيه مقلب
بعد ماقعدنا نفكر حول نصف ساعة
جاتنا فكرة
وقفنا عند محطة مهجورة على الطريق
وكان الوقت تقريباً نص الليل
وبعدينا نزلت انا وأخويي
وشلنا هالنشبه وحطيناه على الأرض وقلنا بنتركه هنا ونخلية ونروح
وخليناه فعلاً ويوم جينا نركب السيارة لمحت صندوق كبير
يشبه التابوت
هنا قررنا نغير الخطة رحنا شيلنا هالصندوق
وحطينا هالنشبه فيه بعد مالفيناه بلحاف ابيض
مثل الكفن
وحنا الإثنين تلطمنا بالشماغ علشان مايعرفنا هالنشبه
وبدأنا نضرب فيه بقوة لين صحا من النوم
عاد هو قام من النوم وهو مفجوع
وبعدين قمت انا ضربته على راسه
وقلت له من هو ربك: قعد يناظر لعيوني ويناظر في التابوت واللحاف الأبيض
وقال بخوف شديد ربي هو الله
وبعدين جا أخويي الثاني وضربه على راسه
وقال له:ماهو دينك
قال الإسلام
وطبعاً حنا مغيرين في صوتنا
وعاد حنا ماسكين أنفسنا لا ننفجر من الضحكـ
لأن أخوينا هالنشبه كان خايف ومرتبك ووجهه متلون
يعني شكله يضحكـ
قمت أنا ضربته كف على وجهه خليت راسه يفر
وقلت له: من نبيك
عاد هنا هالنشبه ناظر لي
وقال:ياخي لا تضرب بقول لكم كل شيء اعرفه
بهاللحظة انا وأخويي ماتحملنا الموقف وانفجرنا ضحك
وشلنا اللطمات من على وجوهنا وعرف انه مقلب
ونزل ضرب فينا
\
منقووول
تحياتي